Op de wijse: Laet ons loven Godt van boven.
Onsen Meyboom staet in’t groen:
Tot een yeders lust,
Siet hy groeyt, siet hy bloeyt,
Met Christus dierbaer bloet
Is hy besproet.
Laet ons dese vruchten plucken
Met ons herten vreught,
Nieuwe jeucht, nieuwe vreucht
Sullen sy geven soet,
Naer ons ghemoet.
Weest o sone Godts verheven
Deyr u cruys ghegroet,
Iesu soet, Iesu goet,
Ghy zijt ons salicheydt
Ons soeticheydt.
Ghy zijt die vreucht uytghelesen,
Die ons ‘tleven gheeft,
Deur u leeft // al dat heeft
Gheleghen in doodts noot
Der sonden groot.
Den sondaer hebt ghy ghenesen
Deur u wonden swaer,
O minnaer // u eenpaer,
Moet loven het aerdtrijck
En’t Hemelrijck.
A.I.