Op de wijse: V Heer verheven,,sonder sterven. Compt nu ter stacy,,jubilacy Want wy soecken hier nu vreught, Siet recreacij // is een gracy, Daer den gheest deur wordt verheught, Hierom mijn vrindekens wtghelesen Al te samen hier present, Wy moeten nu wat ghenuchelijck wesen Op desen maeltijt excellent. Naer ons bevelen mijn wilt nu spelen Brenght u instrumenten voort, En laet u kelen mijn vrolijck quelen Ghy musieckers houdt accoort, V vreught en laet doch niet cesseren, Singht oft speelt op’t instrument Wy moghen ons wel verrecreeren Op desen maeltijdt excellent. Ghy rethorijcken mijn sonder beswijcken, Compt oock hier op dese feest, En laet vrij blijcken mijn u practijcken Oft ghy constigh zijt van gheest, ‘Tgheselschap wilt met vreught vercieren Met u refereynen jent, Wy moeten nu wat ghenucht hantieren, Op desen maeltijt excellent. Om vreught wy quamen // al te samen Hier op desen maeltijdt fier Vry sonder schamen // naer betamen, Om te maecken goede cier, Dus eet en drinckt naer u begheerte Spijs en dranck staet hier ontrent,
En wilt u selven wel tracteren, Op desen maeltijdt excellent. En wilt niet proncken // bitter loncken, Maer toont hier een bly ghelaet, V woorden gheschoncken // soete droncken; Proeft den wijn die veur u staet, Sy sal den gheest met vreught vermenghen, Als hy comt in u convent, Dus willet malckanderen eens ombrenghen Op desen maeltijdt excellent. Ghy princen reyne // al ghemeyne Weest nu vrolijck ongheveyst, Hier wordt certeyne // in dit pleyne Soete vreught van u gheheyst Met blinden gheest wt uwer eeren Heb ick dit nieuw liedt ghe-endt, Op dat ick blijschap sou vermeeren Op desen maeltijdt excellent. A.I.
Cookies on Poetry Cove