Op de voys: Vanden 5. Psalm.
VErtrout in Godt, o ghy sondaren,
Bekeert u toch roept aen den Heer
Dat hy ons sondaers svvack en teer
Voor alle quaet, doch vvil bevvaren
Dat ons comt naren.
Van stof en sliick vvy ziin gecomen,
Ghelijck Adam ons Vader vvijs
Gheschapen int Paradijs,
Van hem is oock een vrou ghecomen
Die hem deed' schromen.
Godt heeft siin dierbaer bloet vergoten
Om ons siin creatueren al
Te lossen heeft ghedaen een val
Aen't Cruys met Naghelen ghesloten,
Veel mensch' verdroten.
Int nieuvve Iaer sullen vvy treden
Met yver en met goe aendacht,
Biddende Godt dach ende nacht,
Staech volghende d'heylantse vrede
Met goede zede.
VVeest altiidt vrolick inden Heere,
Stelt alle prachten aen een zy,
Kost'lijck ghevvaet en hovaerdy,
En vvilt u sonden doch bekeeren,
Zulcks Godt gaet leeren.
Af laet des vverelts pronckerijen,
Leeft slecht ghelijck ons Vaders out
Hebben ghevvoont in hutjens kout,
Altiit ghevvracht in slaverniie:
Veel moeten liien.
Princen en Heeren vvilt Godt met beden,
Die yv'ren in liefde klaer,
Godts VVoort eeuvvich in't nieuvve Iaer,
Sal bliiven door veel vaste reden,
Dus na vvilt treden.
Een gheeft leven.Ian Andriesz.