Op de wijse: Alst begint.
Eylaes amour wat gaet my an
Al mijn vrienden ende maghen
Willen my gheven aen een man
Die my niet en can behaghen
Want zijn sinnen ende myn, comen niet eendrachtich zijn
Sou ick myn vreuchde soet
Salichelijcken waghen
Om het snoode Aertsche goet
dat myn niet en can behagen, want zyn sinnen ende myn
Connen niet eendrachtich zijn
Nochtans sou ick onbevreest
Tpack van minnen wel draghen
Met een knaghen fray van gheest
Dat myn beter mocht behaghen
Als zyn sinen ende myn
Maer mochten eendrachtich zyn.
Prince die my thart verheucht
Latet ons nu doch ghenoeghen
Alst gheschiet met eer en deucht
Sullen wyt ten besten voeghen
Want u sinnen ende myn
Sullen wel eendrachtich zyn.