Nieu groot Amstelredams liedt-boeck

Op de wijse, Alst begint. Een Venus dier // hout mi in bestier Geen schoonder mach daer zijn geboren Haer amoreusheyt fier, Brengt my in swaer dangier Mijn sinnen hebben haer vercoren Als Aurora sietmen haer vertooghen Ghelijck als een gout draet, Is haer hayrken delicaet Diamantich zijn haer ooghen. Voorsichtich en wijs, met een seer soet advijs So is myn liefken verheven, Ick gheef haer prijs Dit bloeyende rijs, Van Cesto toe gheschreven Door haer eerbaer opsetten Gelijc als een albast, zijn haer tandekens gepast Haer asem ruyckt als violetten Noch heeft sy voorwaer Een lichaem dat is claer Veel witter dat die sbee doorvloghen Ick en weet aen haer, gantsch geene maer Venus borsten moet sy hebben ghesoghen Haer tonghe spreekt rethorijcke, Tot lachen staet haer mont, haer borstkens ront Haer keelken singt musijcke. Als Venus amoreus, en Pallas gratieus En Iuno can sy haer verchieren, Eerbaer en heus, seer familieus, Soo zijn mijn soetliefs manieren Eloquent is sy van spraken, Root als robijn haer lipkens zijn Sanguijn zijn haer kaken. Princes vaillant, als Helena playsant Is suyverlijck van leden Door der liefden brant, seer abondant Heeft Cupido mijn hert doorsneden

Sal ickse moeten derven Als Leander certeyn, om Hero reyn Soo sal ick moeten sterven.