Op de wijse: Passemegie Sicilie. Wilt nu al // groot en smal Den mey helpen stichten, Want Auroraes lichten, Sijn nu aent Firmament
Van ons heel vroech bekent, Comt int dal // met geschal Aenschout Phoebus schichten Vulcanus moet zwichten, dit was ons assistent, inden winter absent, Wech Mars dienaren, die noch bezwaren, Ons vraecht alsoomen siet, Nephtunus baren, Boreas scharen maken qua stormen niet, Want haer cracht // is versacht, Siet Saturnus bouwen, Die haer macht // niet en acht Door Ceres ontfouwen door s’meys bedouwen, meucht ghijt aenschouwen. Men siet daer, openbaer, Venus residency Pallas door sciency, geeft reden te verstaen Door menich Courtisaen, Flora claer, die doet haer, bloemkens assistency Bewijst reverency, Mercurius verstaen, Rhetorices vermaen, Dianaes dieren, schoon met manieren Sietmen versellen by, Daer hoefden chieren, met Lauwerieren Luna opstellen vry Pan om hoen, gaet int groen Lammerkens versaden Om te voen, gaet hem spoen Ten velden ontladen Seer groen van bladen, door s’meys weldaden. Gaet ten thoon // hoort ydoon De Armphen verheven Vreucht wert daer bedreven door Cupidoos verstant,van Apollo playsant Eenen schoon. Lauweren croon Wert hem daer ghegheven dus sit hy beneven // By Venus elegant Als een Godt triumphant
misicaes kelen // hoort men daer quelen En accorderen soet, Op Harpen, Velen // Lieffelijck spelen Den mey ter eeren goet, Noch tgheluyt // van tghemuyt Tghevogelte ghedoken, Alle cruyt // oock ontspruyt, Lieffelijck van roken,noch staet ontloken, Den mey voorsproken. Metter daet // delicaet Moocht ghy Princen stercken door dees muses wercken Zijn al dese goon // by haer fonteyn ontboon Nu ontstaet // sonder haet Iupiter zijn vlercken, Soo dat Bachus clercken By Venus zijn ontboon Door Cupido haer Soon. die door zijn stralen, Pluto doet halen door cracht der minnen groot, Lieflijcke talen // gaet hy verhalen Om te overwinnen bloot, dat met deucht // wert gheveucht. Hymeneus blaken, En door vreucht // reyngeneucht Gaen momus versaken // die noch moet des meys ontwaken.
Cookies on Poetry Cove