Alst beghint. Gratieus, eerbaer, en fray van sinnen Amoreuse gesellekens die minnen, Wilt ghy beginnen Venus vlas te spinnen, hout u stil van binnen Leeft altijt vreuchdich, leeft, etc. Singt en springt schinckt, drinckt den most Met vroukens jeuchdich, Vliet verdriet, siet niet wat cost, Quist u goeyken deuchdich. Als cadetten wilt wesen in u fleure, Maeckt bancketten Den wijn schenckt schoon van coleure Hoort ghy dan treure, V ouders zijn daer veure Denckt om die schoone figuere Alst past by tijden, alst past by tijde Singt en sprinckt, schinckt drinct de most Met vroukens blyde. Vliet verdriet,siet niet wat cost
Sorghe stelt besyde. Weest beleefdich, al voor de maecht teer Of ghy zijt knecht, een ander is de Heer, Wilt haer lof vermeere hoort wat ic u leere Verbreydt altijt haer eere Schenckt daer de croone, schenckt, etc. Singt en springt, schinck drinct den most Met Vroukens schoone Vliet verdriet, siet niet wat cost Venus sal u loone. Och wist ghy wat de Vroukens mogen dincken Wilt haer trou en amoreusheyt schincken Alst daer oochskens quincken, Heete traenkens sincken Doet u liefde blincken Slaet Vroukens achte, slaet, etc. Singt en springt, schinckt, drinct den most, Met blyde ghedachten Vliet verdriet, siet niet wat cost Troost wil verwachten. Spoeyet u ter jacht, en vliet sonder vertsaghen Als de nacht verduystert is met plaghen Vint ghy u behagen,rijst op eert gaet dagen, Peynst oft nijders saghen En spoeyt u dan vaerdich, en spoeyt i, etc. Singt en springt, schinct, drinckt den most Met Vroukens aerdich Vliet verdriet siet niet wat tçost Peynst die schoon ist waerdich.
Cookies on Poetry Cove