Op de vvijse: Alsoo’t beghint.
AL die in Sion zijt Verblijdt v al ghelijcke: Schoon is den tijdt, Die ter fonteyne gaet: Met soet’ en schoon musijcke Prijst Godt in hemelrijcke, Seer wijt ontdaen, Naer Ioannes vermaen: Daer wert ontfaen Een peyselijck accoort, Troost en consolatie, Eewich tot aller spatie: Twist noch discoort En wort daer niet ghehoort.Twist, etc.
Hoe lustich macht daer zijn, Men hoort daer niemant klaghen, Druck noch ghepijn Men daer niemant aen-doet: Die voor Godt ‘tleuen waghen Voor een parkere draghen Een stole soet Ghewasschen in’t Lams bloet: Noyt reynder vloet: Noch stroom soo precieus, Als uyt sijne wonden spruyt: Ick derft v wel oorkonden uyt, Seer couragieus, Wt liefden amoureusSeer, etc. Daer is toch allen lust, Niemant mach daer iet grieuen: Want twist daer sust, En ‘tisser seer plaisant: Niet sal daer misrieuen, Tzijn al t’Lammekens lieven, Seer triomphant Neemt hijse bijder handt, Neffens den kant Die ter fonteyne sidt: Daer hy (wel mijn vermaenen vaet) Haer aenschijn vande tranen dwaet: Suyuer en wit Maeckt hy haer alle lidt.Suyuer, etc. Wel hem die is ghenoot In die bruyloft vol eeren: Want, door ‘sLams doot, Is daer volmaeckte vreucht: Die Heylighe des Heeren, Sonder vrees’ van te keeren,
Elck in sijn ieucht Is daer seer hooch verheucht: Perfecte deucht Regneert daer dach en nacht: Om dat wy t’allen tijden bloot Hem louen souden kleyn en groot: Want uyt sijn kracht Spruyt alle eer’ en macht. Want, etc. Die poorten vander stadt Sijn van fijnen Crystale: Dierbare schadt En wordt daer niet ghespaert: In die hemelsche Sale Ghebreeckt gheen licht te male: Want onbeswaert ‘sLams aenschijn elck verklaert: Van soeten aert Loopt daer die Vloet seer reyn, Waer uyt die bloemkens spruyten koen, Met blaeders van virtuyten groen, Dat zijn certeyn Godts Heylighen ghemeyn.Dat, etc.
Cookies on Poetry Cove