dit is die wyse guet geselscap dat moet ic laten dat doet myn budel
R Waer om soe solde ic droeuich wesen
ick heb myn lief in ewicheit
hi en wyl my nvmmermeer begeuen
seluen heeft hy my gesecht
1Bauen wtter drieuoldicheit
daerwt soe comt ons alle guet
daer woent my lief in eweicheit
daerom byn ic dus wal gemoet
Waer om soe solde ic
2Ick wylder valscher werlt oerlof geuen
ende holdens Hier is ‘s’ later boven het vers toegevoegd. my aen mynen vrent
ende der godtelicker mynnen plegen
tys recht hi heeft des wal verdient
waer om soe solde ic
3Die in syn liden wal kan verblyden
mit recht soe mach hi wesen vroe
ten is hem leyder niet gegeuen
och steruen dat moet helpen toe
Waer om soe solde ic droe
4Och steruen dat moet ommer wesen
ende ic moet ommer doen alsoe
soe wie wal steruen heeft geleert
mit recht soe mach hy wesen vroe
Waer om soe solde ic
5Een straelken heeft myn herte doerscaten
dat heeft gewont die ziele myn
dat doet my dese werlt laten
ende Jhesus mynne geduerich syn
Waer om soe solde ick
6Die dit lietken heeft gedicht
hi wils wal wesen apenbaer
hi schencket allen reynen herten
tot enen sueten nyen jaer
R Waer om soe solde ic droeuich wesen
ic heb myn lief in ewicheit
hi en wyl my nvmmermeer begeuen
seluen heeft hyt my gesecht
Amen