dit is die wyse dat viel een coelen douwe tot enen vensteren in nae eenre
1God gruet v Conyngynne
Maria suet gheluyt
gy syt een vat vol mynnen
altoes gebenedy Waarschijnlijk is na ‘gebenedy’ een ‘t’ weggevallen, doordat het blad hier afgesneden is.
o weerde bruyt der weelden
v lof is ewichlanck
fonteyne des ewige l[..]ens Het midden van het woord is onleesbaar door een gat in het papier, maar ‘leuens’ lijkt hier de meest waarschijnlijke optie.
schencket ons der mynnen dranck
2God gruet v alre claerste
die ic aenschouwen mach
Maria onse bewaerster
sy is een ewich dach
wal schoenheit sonder verdrieten
vol alre doegden groet
och mocht ic oer genyeten
die edelle roseroet
3God gruet v mergen steerne Hier is doorgehaald: 'O peerle der joncfrouwen schoen'
O spiegel sonder smyt
schoenheit sonder meeren
O lelye onbesmyt
Maria edelle sonne
ic mach v geuen prys
gy syt een suuer blome
een roese des paradys
4God gruet v suuer maget
O peerle der joncfrouwen schoen
gy schynt gelic der sonnen
al in des hemels throen
daer is sy wtuercaeren
een spiegel al volmaeket
als een vercierde roese
och moeder ende maget
5God gruet v suuer Maget
O suete medecyne
Och dach die ewich daget
hoe geerne waer ic by dy
en wilt my niet vergeten
wal edel honichroete
als my myn here sal breken
al inder vren myns dodes
Amen