vanden hiligen drie conyngen Een kyndekyn is ons gebaren in betlahem des hadde herodes toerne dat scheen aen hem gezien de herhaling is dit een koprefrein.
1Drie Conyngen wt orienten die quamen tot Jherusalem sy vraegden waer is hier gebaeren die conynck der Joden sy sagen in orienten die steerne syn wy comen om aen te beden dat kyndekyn
Een kyndekyn
2Als herodes dat vernam dattet kyndekyn gebaren was hy wart toernich ende gram ende hi ontsach hem des dat hi verliesen solde syn ryke was groet hi pensden hoe hi mochte brengen dat kyndekyn ter doet
Een kyndekyn
3Herodes sprack den conyngen toe gaet hen ende sueket dat kynt mit alsoe groter weerdicheit men secht hi is Conynck ende bauen alle Conyngen soe is hi fyn my doncket hi sal besytten dat ryke myn
Een kyndekyn is ons
4Als gi dat kynt hebt vonden keert weder ende segt my dat ic in corten stonden mach weten waer dat sy ic solden alsoe geerne aenbeden hy is soe fyn hi heeft soe seer doersneden dat herte myn
Een kyndekyn is ons
5Als die Conyngen quamen buten Jherusalem mit vrouden dat sy vernamen die steerne staen voer hem ter tyt toe dat sy vonden dat kyndekyn in doekerkyn gewonden byder lieuer moeder syn
Een kyndekyn is ons
6Als dat kynt was cleyne van dertien dagen olt men offerden hem daer ter steden merre wieroec ende golt mit alsoe groter weerden het was daer noet sy vonden daer den Conynck ryck van hauen bloet
Een kyndekyn is ons
7Als die Conyngen sliepen doe quam die engel tot hem dat sy niet weder en keerden al tot Jherusalem in enen anderen wegen syn sy ghekeert tot horen Conynckryken alsmen ons leert
Een kyndekyn is ons gebaren in betlahem
8Nv bidde wy den kynde dat Jhs Jhs: afkortingsteken ontbreekt is genoemt dat hi ons wil brengen mit hem int suete lant daer hem die engelen lauen tot alre tyt des gonne ons die hemelsche vader gebenedyt
Een kyndekyn is ons gebaren in betlahem des had herodes toerne dat scheen aenhem Amen
Cookies on Poetry Cove