Handschrift Berlijn mgo 185

Een suuer lyedekyn Dit opschrift is omkaderd met pen. 1Pelgermasi heb ick ghewandert wel xxxiij jaer wanner dye tyt sal comen ic en weet oeck nyet wanner weer ick toe iherusalem bynnen al in myns vaderslant wanner soe sal hi comen wanner soe wyl hi comen dye my heeft wt gesant

2Dye crachten mynre begherte sy synt ghewont seer groet Dyt wech hy is seer enghe tys mynre syelen doet Der moerdenars isser vele in allen hoeken omtrynt Wanner soe sal hie comen wanner soe wil hye comen dye my heeft wt gesant

3Myti suchten ende myt carmen soe vaer wy ouer dye see Den wynt den heb wy teghen die mast is al en twee Dye ancker is weech ghedreuen tschyp en heeft gheen profant wanner soe wil hy comen och wanner soe wil hy comen die my heeft wt ghesant

4Myn trouue heb ick gebroken verloren is dye rynck Myn mantelken is versleten dat ick vp der doop ontfinck Nu wil ick my haestelick wenden ende cryghen een suuerlyck cleet Toe vallen in myn brughum Toe vallen in myn brughum tys my van herten leet

5Condt ick een herberch crygen daer ick worde ihs ihs: afkortingsteken ontbreekt bruyt dat gelt der rechter doechden des gheue ick weynich wt Onder dye quade gesellen soe voede ick my omtrent wanner soe sal hy comen wanner soe sal hy comen dye my heeft wt gesant