dit is die wyse Nae groenre verwe myn hert verlanget daer ic alleyne was sy heeft myn hertken ombeuaen etcetera 1Laet ons aenroepen mit werdicheit diegene diet wal vermach onse hilige patroensche Cecilia si is van hoeger macht gelicke als een rose roet die voerden dach opgaet die hoer mit trouwen wyl roepen aen die sullen van bynnen troest ontfaen oer mynne is ons bereyt
2Een haren hemde soe toech sy aen seer scaerp al naest hoer lyf die reden ende die synlicheit die hadden enen kyf daer auer toech sy een gulden cleet als die der werlt mynt de doechden die sy heeft gedaen die wil ic v cortelic doen verstaen ist dat gyt wal versynt
3Sy droech al in hoer herte van bynnen dat ewangelye suet van orgelspul ende sueten sanc soe toech sy af hoer mynne sy waert versekert enen man die hiete valeriaen sy was seer vuerich in oer gebet dat sy mocht blyuen onbesmyt die gracie hielt sy staen
4Des auendes inder enicheit alsmen te rusten gynck sprack sy myt vrendelicker talen O suete jongelync een sake die v te helen staet wil ic v brengen voert die my seer ter herten leyt lauet my nv mit trouwicheit te seggen nyemant voert
5Een engel gades heb ic ontfangen tot eenen mynre der zielen myn myn lichaem ende myn reynicheit bewaert hi altoes wal mer ist dat gy aenroeren wilt dat my besmytten mach hi sal te hant hier by my staen syn wrake en suldy niet ontgaen hi is van groter cracht
6Mer wyldy hoeren mynen raet ende volgen christus lere ende laeten v doepen altehant ende geloeuet aen onsen here hi sal v mynnen gelic als my oec suldy hem wal sien dat gi in doegden voert moeget gaen ende in alre gracien moget volstaen dat suldi wal bet versien
7Doe sprack die suete jongelynck hebdi een ander genoet soe wil ic v mit myns selues handen v beyden brengen ter doet mer ist dat ic vernemen mach dat hi een engel sy soe sal ic doen al dinen wil beyde apenbaer ende daer toe stylle weest dan verblyt mit my
8Doe hi dat doepsel had ontfangen doe quam die engel claer ende gaf hem elc enen rosencrans hi sprack int apenbaer in ongedeelder reynicheit suldy altoes volstaen O jongelync biddi jet van my dat sal ic verweruen di doet my uwen wyllen verstaen
9Doe sprack die suuer jonghelync mynen broeder dien ic mynne dat hi mit my geloeuen moet dat is al heel myn synne die engel sprack dat sal geschien hy sal mit v volstaen gy sult toe samen storten v bloet al om dat hoge hemelsche guet die croen suldy ontfaen
10Tyburcius in die camer quam hi waert mit wonder beuaen die hemelsche lucht hem tegen sloech hi sprack doet my verstaen wie heeft v nv in deser tyt die rosen roet roke gebracht Doe sprac die edelle valeriaen wildy mit mit my geloeue ontfaen gy moeget bekenne hoer cracht
11Syn herte dat waert soe seer beruert hi riep mit neernsticheit segt my gerynge wat v gelieft ic byn toe maele bereyt Doe sprack die suuerlicke maget O weerde broeder myn ganc totten olden man vrbaen ende wilt van hem dat doepsel ontfaen soe suldi salich syn
12Cecylia als een lelie schoen die hoge staet apenbaer soe lucht hoer reyne suuerheit in alle die werlt claer Want sy den eertsch Waarschijnlijk is na ‘eertsch’ een ‘e’ vergeten, met name omdat er wel een afkortings-streepje staat. brudegom mit sueten woerden verwan Die gracie gades hem ombeuenck dat hi dat kersten geloeue ontfenck ende waert een hemels man
13Mer doe die richter dat vernam dede hise voer hem staen hi proefden een yegelic syn geloeu Waarschijnlijk is na ‘geloeu’ een ‘e’ weggevallen, doordat het blad is afgesneden.
hi dede hem syn hoeft afslaen doe sprack die suuerlike maget o edelle rydders guet gy sult ontfangen die hoge croen ende christus die sal syn v loen weest vast in uwen moet
14Een siedende bat was daer bereyt daer settemense in Na 'in' is doorgehaald: 'bereyt'. al heit het waert voel coelre dan die douwe dat was den richter leet daer quam een stocker altehant hi dede hem dat hoeft afslaen sy riepen here Jhesus ontfanct mynen geest al mitten engelen in v feest myn hert is seer verblyt
15Cecilia die edelle maget fyn heeft hoeren stryt volbracht sy heeft dat scoene hemelryke mit hoeren bloede gecost by hoeren lieuen brudegom in synen […]
Cookies on Poetry Cove