Op de wijse, Beata immaculata.
Laet ons al t’samen loven,
Met sanck en snaren spel,
De Borghers van hier boven,
Want sij’t verdienen wel
Weest al verblijt,
Singt met jolijt,
Maer eerst maeckt u de sonden quijt.Weest, &c.
Maer onder veele diversse
Soo wil ick mijn Patroon
En mijne Patronersse
Singen een lof ydoon.Weest, &c.
O soet Patroon verheven,
O Patronersse goet,
Wat soud’ ick u best geven,
Dat u sou wesen soet?Weest, &c.
Wilt ghy ons wel vereeren,
Die onsen naeme draecht,
Voor allen, wilt dit leeren,
V wel van sonden vaecht.Weest, &c.
Daer naer so moet ghy talen
Naer onse deuchden schoon,
Kondt ghy die achter-halen,
Weest seker ’s Hemels kroon.Weest, &c.