Hymnus, Ad caenam Agni providi.
Ter maeltijt van ons Lamken reyn,
Laet ons lof singen int gemeyn,
Die nu door ’t root Meer kommen sijn,
Verciert met witten kleeren fijn.Cuius.
Wiens lichaem van ons geeten is,
Dat voor ons aent cruys hingh gewis,
Daer toe sijn bloet gedroncken schoon,
Dat voor ons vergoot Godes Soon.Protecti.
Aen Paesch-avont hy ons erhielt,
Van den Engel die ’t al vernielt,
Wt Pharaonis dienstbaerheyt,
Brocht hy ons tot die vryheyt.Iam.
Christus is nu ons waer Paschlam,
Geoffert aen des cruyces stam,
Dat soete broot der Iootschen schijn,
Beteyckent oock sijn lichaem fijn.O vere.
O een eerweerdigh’ offerhandt,
Dat daer verbreeckt der hellen bant,
En verlost die gevangen schaer,
Het leven oock weer brengt vruchtbaer.Consurgit.
Christus staet op wt dat graft claer,
Die een winner der Hellen waer,
Hy heeft verplet den duyvel snoot,
En ons verdient oock Abrahams schoot.Quae.
O Godt wy bidden u met vlijt,
In deses Paschens weerden tijdt,
Van allen boosen doots aenval,
Behoedt u Christen over al.Gloria.
Gelovet sijt ghy Iesu Christ,
Die van den doot verstanden bist,
Met den Vader en heyligh Geest,
Die wy hier loven al om meest.