Op de wyse: Alsoo ’t begint. Al die in Sion sijt, Verblijdt u al gelijcke: Schoon is den tijdt, Die ter fonteyne gaet: Met soet’ en schoon musijcke Pryst Godt in hemelrijcke, Seer wijt ontdaen, Naer Ioannes vermaen: Daer wert ontfaen Een peyselijck accoort, Troost en consolatie, Eewich tot aller spatie: Twist noch discoort En wort daer niet gehoort.Twist, &c. Hoe lustich macht daer sijn, Men hoort daer niemant klagen, Druck noch gepijn
Men daer niemant aen-doet: Die voor Godt ’t leven wagen Voor een versmaetheyt dragen Een stole soet Gewasschen in’t Lams bloet: Noyt reynder vloet: Noch stroom soo precieus, Als uyt sijne wonden spruyt: Ick derf u wel oorkonden uyt, Seer couragieus, Wt liefden amoureus.Seer, &c. Daer is toch allen lust, Niemant mach daer yet grieven: Want twist daer sust En t’isser seer playsant: Niet sal daer misrieven. ’T sijn al t’Lammekens lieven, Seer triomphant, Neemt hyse byder handt, Neffens den kant Die ter fonteyne sidt: Daer hy (wel mijn vermanen vaet) Haer aenschijn vande tranen dwaet, Suyver en wit Maeckt hy haer alle lidt.Suyver, &c. Wel hem die is genoot In die Bruyloft vol eeren: Want, door ’s Lams doot, Is daer volmaeckte vreucht: Die Heylighe des Heeren, Sonder vrees’ van te keeren, Elck in sijn jeucht Is daer seer hooch verheucht: Perfecte deucht
Regneert daer dach en nacht: Om dat wy t’allen tijden bloot Hem loven souden kleyn en groot: Want uyt sijn kracht Spruyt alle eer en macht.Want, &c. Die poorten vander stadt Sijn van fijnen Crijstale: Dierbare schadt En wordt daer niet ghespaert: In die Hemelsche Sale Gebreeckt gheen licht te male: Want onbeswaert ’s Lams aenschijn elck verklaert: Van soeten aert Loopt daer die Vloet seer reyn, Waer uyt die bloemkens spruyten koen, Met blaeders van virtuyten groen, Dat sijn certeyn Godts Heyligen gemeyn.Dat, &c.
Cookies on Poetry Cove