Eenen nieuvven Antwerpschen liekens-boeck

Amoureus Liedeken Op de vvijse: Doen ick mijn liefde Eerstmael briefde.

DEught-rijcke maghet Die my nu iaghet Int meeste onghevoegh Dat een minnaer oyt verdroegh Nochtans sonder reden Och reyn en wel besneden Lijd’ ick dit swaer torment D’welck ick ben onghewent.

Nymph u proposten My eens verlosten Wt commer pijn en druck Ey voorleden soet gheluck Dat mijn siel deed´ leven Och wat heb ick bedreven Dat ghy my dus versmaet Ach mijns herten toeverlaet.

Wat magh u dwinghen My soo te bringhen Int d´swaerste quael Die mijn vreucht rooft teenemael Daer ghy my eerst minde En dat ick u dinde Als een oprecht minnaer Mijn ghepresen liefste caer.

V soete woorden Mijn ziel beroorden O minnelijck ghesicht Die my u ghelooven licht T´sijn dwase sinnen Die hem begheeft tot minnen En wert voor loon bereyt Niet dan druck en swaricheyt.

PRINCE Princers verheven Comt my troost gheven Want anders sal u vlucht Van my weyren mijn ghenucht Heus en trou van monde Den uwen t´allen stonde Sou my wenschen waert Dat wy werden t´saem ghepaert.

Alleen deur een.