Op de wijse van Arien Maet. Vvy Monicken en Papen Wy Gheestelicke Heeren, Met alle onse knapen Wy moeten sparen leeren Wy hebben niet om teeren Die Geus heeft ons verraen, Al ons vreucht en triumpheren Eylaes is al ghedaen.
Wy moeten schoyen achter lant Al teghen onsen willen, Sonder ghelt oft sonder pant Gheen Cleeren aan ons Billen, Wy crijghen niet te schillen, Van ghesoon oft van ghebraen, Hoe dat wy kermen oft ghillen Eylaes tis al ghedaen.
Wy hebben tgheheele Jaer ghehoopt Om ons soppen weer te crijghen,
Die Cans ons altijt teghen loopt Wy connen Godt niet bedrieghen, Hoe dat wy ons opstighen Het dijdt ons al ten quaen, Ons Pijlen willen niet vlieghen Eylaes tis al ghedaen.
Js dit niet een groot verdriet Dat wy nu moeten wercken, Dat wy mogen comen niet Weder in onse Kercken, Die Geus gaet op ons mercken Als wy comen op die baen, Hy grijpt ons haest by onse vlercken Eylaes tis al ghedaen.
T Wtert oft tot Amsterdam Moghen wy niet langher blijuen, Wy zijn kaelder als een ram Ons kinderen oock ons Wijuen, Wy moeten na Jtalien drijuen Oft na Spaengien sonder waen, Adieu Hollant willen wy schrijuen Eylaes tis al ghedaen.
Wy hadden groot gelt by hoopen, Daer op stont ons betrouwen, De Knechten om te coopen, En verradery te brouwen, Hoe dat wijt al ontfouwen Ten mach ons niet bestaen, Wy moghen ons hooft wel clouwen Eylaes tis al ghedaen.
O Duckdalue lieue Man Met al v Spaensche knechten, Daer is nu langer gheen hoepen an Wy vallen van die plechten. Wy moghent niet wt rechten Wy connent niet wt slaen, De Geus die can me vechten Eylaes tis al ghedaen.
O Paus, O heylighe Vader Met uwe Cardinalen, V kinderen alle gader Moeten achter Lande dwalen, Och hoe pleghen sy te pralen Nu neemt men haer gheuaen, Sy moeten tgelach betalen Eylaes tis al ghedaen.
Oorlof Aflaet ende Cassen, Adieu Vesper ende Missen, Daer wy pleghen af te brassen Dat gaet ons nu ter quissen, Tvagevyer gaen sy wt pissen Sy werpen ons Offer na de Maen, Ons Vissery en wilt niet vissen Eylaes tis al ghedaen.
Cookies on Poetry Cove