Op de wijse: Een seraphijnsche tonge. Ofte: Wilhelmus van Nassouwen. EEn Zee vol stercke baren, Vol onweer ende wint: Moeten wy overvaren Daermen veel klippen vindt, Maer wilt ghy salich wesen, Neemt voor een schip te baet, Die Kercke Godts ghepresen, Die 's werelts vloet ontgaet. Als niemant buyten d'Arcke Die sundtvloet cond' ontgaen: Also buyten Godts Kercke Dwaeltmen in d'Helsche baen, 1. Tim 3.Op haer heeft Godt almachtich De waerheyt vast gegront, Dat sy leert is waerachtich Geen leughen spreeckt haer mont. Laet comen die tempeesten Van dwalingh menichvout: Zeeroovers, Ketters, geesten, Met hare secten stout, Sy konnen niet ghekrincken, Luc. 22 Sint Peters schip seer vast, Wat sy doen t'sal niet sincken 't Cruys Christi is de mast. Den geest Gods sal het stueren, 't Seyl is de waerheyt claer,
De plancken eendracht vueren 't Geloof den ancker swaer Die Oversten die roepen Door haer gestichtich woort, Der liefden koorden voeyen. 't Gebedt jaecht 't schiepken voort. Blijft in dit schip u leven, In de H Kercke, sijn goeden en quaden. Matt. 13. Al zijn daer quaden in: 't Quaet sal aen u niet cleven, Dus denckt in uwen sin, Een acker die goet koren Draecht, heeft wel onkruyt quaet, Die in Godts Kerck verloren Gaet, en is geen goet zaet. Wilt van die Kerck niet dolen, Die H. Kerck is de bruyt Christi Matt. 5 Die Christus heeft getrout: Hoe kan sy sijn verholen, Een stadt seer hooch gebout? Niet hier of daer in hoecken, Maer op een bergh geplant, Die haer noch elders soecken Sijn blint in haer verstant. Een Kerck maer wert gevonden, Een Godt, een sienlijck hooft: 't Is nu en t'allen stonden Al een datmen gelooft, Die kentekenen der Kerck 1. Eens. Eph. 4. Door geen tweedracht gesneden, Sy blijft in eenicheyt, In alle tijt en steden, In alle volck verbreyt. Haer ouderdom kan toonen, Dat Christus die gesticht
2. Algemeyne oft CatholickVan geen ander personen, Is haren naem gedicht, Van der Apost'len tijden, Haer afcoemst toont sy claer, Mirac'len oock belijden 3. Apost.Haer heylicheyt voorwaer. Geen Secten toonen cunnen 4. Mirakelen en heylich. Marc. 16.Van haer geloof dit al Maer, o Herder, wilt gunnen, Dat kommen in den stal Al die verdwaelde schapen Dat een stal werden moet, Die na u beelt geschapen, Verlost zijn door u bloet.
Cookies on Poetry Cove