Op de wijse Eylaes Liefde u cracht. Psalm.Wel dien, die metter daet Op den armen acht slaet, Godes gonste groot Staet hem open altijt, Bevrijt is hy vant quaet, Bewaert waer hy heen gaet, In Lijden en noot, Getroost ende verblijt. Esai. 58.De Heer na zijn verbont, Sal hem tot geender stont Niet laten int ghequel Sijnder vyanden fel, Sijn cranckheyt onghesont Verandert hy seer snel.
Deut. 15.Hierom soo doet bystant Den armen hier int Landt, Die u hulp behoeft; Leui. 25.Toont deught, tis Godts ghebodt, Doet goet aen elcken cant, Opent u milde hant, En niemant bedroeft, 1. Sam. 25.Weest niet als Nabal sot, Hy was boos onbeleeft, Maer zijn huysvrouw die heeft,
Met gauen goet en milt, Dauids toorne ghestilt: Dus den armen oock geeft, Godts gonst ghedencken wilt.Prou. 19.
Die d'armen bystant doet, Vercrijght weer overvloet, Gods gonst hy voorwaer1. Reg. 17. Ghestadich open vint, Elias wort ghevoet Van een Weduwe goet, Wat gheschieden haer, O Menschen dit versint: Naer des Propheten woort, Bracht sy het het weynich voort, Al was sy selfs benout, Den Heer heeft sy betrout. Die den armen verhoort, Gods gonste hem aenschout.Dan. 4.
Wat sprach Christus de HeerLucae 21. Van d'arme Weduw' teer, Die twee mijten cleyn In Gods kist leyde siet, Sy had gheheven meer Dan die rijcken vol eer Gaven int ghemeyn: Verstaet wel dit bediet Ghy die zijt weeldich rijck, Neemt van d'armen gheen wijck, Maer siet Lasarum an, Denct op den Rijcken man:
Lucae 12. Spieghelt u al ghelijck, Seer haest moet hy daer van.
Prince. Met ghenuchten bekent Dat Liefd' is t'fondament, Daer Godt ons na sal Matt. 25.Oordelen, cleyn en groot, Dus dit in t'herte prent, 1. Ioan. 3.V aenschijn niet en went Der armen ghetal, Ezec. 16.Aensiet haer swaren noot, Bewijst barmherticheyt, Gods gonste staet bereyt Voor haer die Met gheneucht, Den armen thoonen deucht, Op hoop hy dan verbeyt Hier nae d'eeuwighe vreucht. Met Genvchten.
Cookies on Poetry Cove