Toon: Wel Joosje, &c.
O Wein! O du bist wol hüpsch und feyn!
Du machst
daß ieder ein bey dir so offt will frölich seyn:
Wann man dich lustig drinckt;
Der eine laufft und springt:
Ein ander lust zu singen:
Der dritte sucht das Spiel;
Der vierd wil gern klingen;
Und ein jeder thut dir wol.
Du machest auch die alten Leute junck,
Und thust sie frölich springen durch ein Bacherachschen drunck
Wann ich dich auß ein'm Glaß
Kan drincken, mit ein'm Paß;
Bin ich frölich von Hertzen:
Diß Gläßlein gar vol,
Verdreibt unlust und schmertzen,
Und gefält den Sinnen wol.
Ist Bachus denn ümb und ümb so gut,
So geb' ich willich über für sein' Gunst meins Hertzen Blut.
Sein freundlich Gelach,
Das lieb ich Nacht und Tag,
Er mach wol freylich schreiben;
Es kan, das ist gewiß,
Kein Gelt im Säckel bleiben,
Weil der Wein so frölich is.