op de wijse: Cupido gheeft my raedt hoe ick sal moghen winnen. O Schoon Goddinne schoon Ghy doet my sterven leeren, Helaes voor liefdens loon Gaet ghy mijn smert vermeeren, Aen vvien gantsch gheenen raedt
Komt ghy mijn niet te baet Soo sal in korten stondt Mijn vreucht in druck verkeeren.
Den gantschen dach en nacht En doen ick niet dan klaghen, My dunckt de Svvaen ick slacht Die stervend’ gaet ghevvaghen, Bedroeft een danckich liedt Tot teecken van verdriet, En dat misdien ick moet Alleen dit lijden draghen.
De heldre Son en Maen, De lichte fackels blondich, Met droefheyt zijn belaen Door ’t lijden svvaer hertvvondich Dat ick steedts draghen moet Door Venus brandt en gloet, En ghy Goddinne vvreedt Thoont my gheen vveerliefd bondich.
Och waerom vvilt ghy niet Mijn uytverkoren vrouvve My helpen uyt ’t verdriet, En schenken my u trouvve Ghy dertel lonckend dier Blust Venus vonckich vyer, Helpt my uyt desen noodt, Of ’t herte berst van rouvve.
Mijn suchten en gheschrey ’T ghedierte doet erbarmen, VViens klanck in des contrey Gheeft Echo van mijn darmen, De beken ruysschen klaer Oock door mijn groot misbaer, Voort brenghen sulcken voys Dat yeder mach ontfarmen.
Ick bid u schoon Princes Voor druck my vreucht vvilt schencken, VVie ’t lijdens oorsaeck is Kont ghy Godin bedencken, Thoont my doch u ghena Schoon lief eert valt te spa, Eer dat de vvreede doodt Mijn lichaem dan komt drencken.
Cookies on Poetry Cove