Amsterdams minne-beekje. Deel 2

Stemme: Treet rasjes mijn voeten, &c. O Schoone Goddinne Die ick beminne, Met hert en sinne, En mijn gemoed Wiens beeld ick staegh Int herte draegh, Alst 't liefst dat ick besit, En wien 'k hou voor mijn doel-wit. 2 Vwe lieve lichte Als Cupid schichte, Die in my stichte

Dees heete brand, Hoe sy verouwt Hoe min verkout, En steegh noch meer vergroot, Sal my by blyven tot de doodt, 3 Lief als ick mach raken, Vw Roose kaecken, Daer ick na haecke, O schoon Goddin. Soo schijnt dat mijn Verlicht de pijn, Want ick meer vreughd gheniet Als mijn hert kan lyden verdriet. 4 Vwe soete kussen Konnen wel blussen En mijn druck sussen, Van u Diaen, My dunckt ick voel Door het ghewoel, En adem van u mondt, Dat mijn hertje stracx wort gesont.

5 O soete Princesse, Ghy blijft Vooghdesse Mijns ziels Meestresse, Tot aen mijn endt, Geen ramp of noot, Geen pijn hoe groot, Scheyd my van u Goddin Die ick als mijn zieltje bemint. I. G. Vlooswijck. Rede doet leve.