stemme: Ick lief mijn Herder.
NYmph vol vermoge, mijns ziels Voogdesse,
V flickerend' ooge, schoon Herderesse,
O soete Phillis, ey ghy dertle Phillis,
Die 't vee Boswaerts weyt.
O Phillis, Phillis, wie heeft u verleyt?
2 Als ick gedencke u aessem geurtjes,
O lodder wencke, Schaemroode cleurtjes,
Ja poesel hande, die mijn hert in bande
Soo gekluystert hout.
O Phillis ach ick ben vervrout.
3 O Phillis kander in u gedachte
Met vreucht een ander helaes! vernachte,
Ja sterve, sterve moet ick Phillis derve,
Waer toe langh gheleeft?
't Is Phillis soet, die my de dootsteeck geeft.
4 Sult ghy my dooden, en ick u minne
Volght u gebode soete vriendinne,
Mijn hert en leve, zal ick willigh gheve,
Daelt ten grave neer
O Phillis, Phillis, u komt meerder eer.
5 Ach, soo 't u wil is, toont doch medooge
O Nymphe Phillis, genaed uwer ooge,
Aensiet mijn lyden, wilt my eens verblyden,
Aen hem nie onwert
Die u soo lieft en volhert.
Soop.