Steme: Laura sat laest by de Beeck.
I
DROsemonde lieve maegt
RHoe ist Damon wat salt wesen?
DSiet ghy niet wie u najaegt,
RJa dat sag ick lang voor desen,
DRosemont mijn uyt gelesen:
Keert u Hertje eens tot mijn,
RNeen geen klachten wil ick hooren,
DQuam u eens ontrou te vooren,
Waerom t' vluchten Nimphelijn.
II
ROm te schouwen minne-brant,
D't Branden sal u hert noyt schaden
R'k Vlie van sulck een swaren bant,
DVliet niet gunt mijn u genaden,
RLaet u geest u anders raden,
DRaden, 'k raden noyt als nu
RMijn daer soo veel maegden binne,
DU mijn suyv're Godinne
Te winne door mijn trouwe trou.
III
RKeert u ooge jongen Helt,
DJa na u mijn waerste Engel,
RMijn vryen uyt u sinne stelt
DHoe van haer na wien ick hengel
RMijn liefd' ick met geen liefde mengel,
DHoe kent sijn mijn Rosemont
R'k Vlie ay laet u nimmer praten
DNochtans sal ick noyt verlaten,
Die mijn Hertje heeft door wont.
C. Seep.