Op de wijse: Alst begint. VVT liefden siet, Lyd' ick verdriet Ick en macht oock niet uytspreken Hoe dat sy hiet diet herte doorschiet Twelck Venus heeft ontsteken, Noyt smert soo groot // in desen noot, Wie sou den cloot, geraken Reyn roosken root, troost my 'tis noot Eer ick den doot, moet smaecken, Ick ben doorwont, zijt dies oorcont
In s'herten gront met lijden, Nochtans haer mont, haer borsten ront Can mijn terstont verblijden, Int s'werelts troon, door haren toon Spant sy die croon van vrouwen In desen hoon // haer dienaers loon Wie sou die schoon betrouwen. Liefs woorden soet, voor gelt voor goet Want lief by lief moet blijven Noch vintmen goet, dat troosten doet, 'tWelck liefde doet verdrijven, Maer dees Kerssou // daer ick op bou Is by gheen vrou te ghelijcken Verdrijf ick den dou // ick sterve van rou Schoon liefken trou moet blijcken. Laet hoope mijn, trooster zijn Schoon Rosmareyn gepresen, Gheeft medecijn // eer ick verdwijn Zoo is mijn pijn ghenesen, Maer weygert zijt, geen meerder spijt Mijn hert dat splijt doort derven, Vermaledijt // sy ure of tijt Ick roep ick krijt om sterven. Ist haer behaecht, Eer ghy lof draecht, Haer sy gevraecht // met smeecken Ick hebt gewaecht, 'tSy Godt gheclaecht Dus hoort de maecht // eerst spreken, Loopt niet verblint // al teghen de wint, Oock niet en mint, met Ooghen Maer wel versint // eer dat ghy mint Eer ghy u vint, bedrooghen. Met oorlof reyn, siet int gemeyn Ick blijve alleyn, in smerte Ick prijs dat greyn // is s'werelts pleyn Sy blijft alleyn // int herte Sy is eerbaer // haer oochskens claer Al sonder maer // geschepen Een ure van haer // is duysent jaer 't Block valt swaer // te slepen.
Cookies on Poetry Cove