Op de wijse: Alst begint.
CVpido God door uwe minne stralen,
V scherp gebot doet my in liefde dwalen,
Ick ben versot
Op een bruyn maeghdelijn smalen,
Die met my spot.
Venus bestier // vindt ick seer dubbel van treken,
Der minnen vier // heeft sy in my ontsteken,
Die liefste rogier
Ick machse sien noch spreken,
't Is groot dangier.
't is groot verdriet,
De liefste moet ick derven,
Die rouw biet, en can niet verwerven
Om dat sy u liet, moet ick van rouwe sterven
Niet meer gheschiet.
Haer soet samblant
Is my een medecijne,
Seer triumphant // plach ic by haer te zijne,
De liefste playsant // laet my in groote pijne
Aen mijn verstant.
Als ick aensach, haer vriendelicke imagie,
Nacht en dach // schiep ick in haer couragie,
Dies ick wel mach, clagen om haer visagie,
Sonder verdrach.
Sonder confoort
Laet sy my nu in weyne,
Dus wy accoort, hielden int ghemeyne,
Dus roep ick moort
Over mijn lief alleyne, die my verstoort.
Adieu eylaes, adieu Princesse schoone,
Ick was te dwaes, te vryen u persoone,
Dies ick nu raes
Dat ick my selven hoone, op dit relaes,