Op de wijse: Mijn Godt voet my.
OVerpeynsen bedroeft het hert van binnen
Ghestadich gepeyns laet my geen troost verwinnen
Nacht en dach blijf ick by u ghestadich
Die my verquickt uyt liefde soet ghenadich
Ghy zijt alleen die mijn smert can ghenesen
Niet meer en sal liever int herte wesen.
Als thert bezwijckt door liefde menigherhant,
De Geest verheucht de vreucht uyt Venus bant,
Seer amoreus ghedaelt uyt 'sHemels troon
In eerbaerheyt spant sy der vrouwen croon,
Die lieft verwint Retorica moetse prijsen
Ick sal haer deucht trou ende eer bewijsen.
Int hert alleen zijt ghy Princes vercoren,
Weest heus en trou, hy heeft trou ghesworen
Spijt nijders quaet die altijt quaet hanteren
Peynst de fortuyn sy can wel haest verkeeren,
Elc heeft zijn tijt so lang men leeft op aerden,
Rijckdom voor liefd' acht ick van gheender waerden,