Op de wijse: Alsoot begint. VErheught in deught, ghy Retrosynse jeugt In conste soet vermaert, etc. Nu veucht, geneucht, Eendrachtelick maect vreucht, Ghy die hier zijt vergaert, etc. Die const wert u verclaert Haer jonst geopenbaert Seer net en pertinent Lustich en excellent Bekent is hier haer cracht present Dus went ontrent, liefd' is het fondament Daer wy op bouwen jent, daer wy, etc. Bespiet, 'tbediet, van datter is gheschiet Int Noorwijcksche saysoen, int etc. Ghy siet, nu vliet, druck en hertsen verdriet Reyn geneucht wy bevroen, reyn etc. Eendracht die maeckt ons coen Men mach uyt liefden doen, Geen twist wy hier ontfaen, Een wroeger wy versmaen, 'tVvermaen, doen wy uyt jonsten plaen Dees paen wy gaen, 'tis uyt liefde ghedaen Wijckt niet van desen baen, etc. Ons geest nu meest, is uyt lijdens tempeest Al om dit soet bestier, Al om, etc.
Bedeest bevreest, sy niemand tot dees feest Onder des constes banier, onder des, etc. Hier bloeyd den Eglentier Hier groeyt de Lely fier Onder den doornen wijt die coren-bloem haer verbeyd Met vlijt alle Princekens bedijd, Iolijt bevrijt, als Bloemkens petijt Die hier bloeyen int crijd, die hier, etc. Liefd blaeckt volmaeckt Die const is wel geraeckt, Alhier op dit termijn, alhier, etc. Genaeckt en smaeckt Elck die daer zijt bespraeckt. Als een vroom Retrozijn, als een, etc. Die lust van haren wijn En blust dat herte mijn, Daer vreuchden bloem uyt spruyt Die daer ruyckt als een welrieckent cruyt Ontmoet brenght uyt, Al haer consten conduyt Laudeertse over luyt. Princes, u les, wy resideren fris, Te met vroech en spa, te met etc. Meesters voochdes isser eenich exces Wy staen in u gena, wy staen, etc. Reyn Rethorica, Fonteyne die wy slaen ga, In dit soet prieel, Voldoen wy u beveel, Geheel uyt desen toneel Quagreel, crackeel, Moet wijcken t'onsen speel, Soo schrijft ons Penceel.
Cookies on Poetry Cove