Op de wijse: Alst begint.
CVpidoos zware lust
Leyt my int hert ghedoocken,
Aen u die my ontrust
Eerlijck met liefd' beloocken,
Zedich met soet gelaet, geefdy oorsaeck om minnen
Eenich secreet om vaet
Naem ick wel te ghewinnen.
V lieflijck betooch, is mijn onlust gheneselijck
Tneder slaen van u ooch
Gheeft schaemte soet en weselijck,
Tnadencken van u jeucht,
Doet u tot u waert hellen
Ick sach na deuchd en vreucht
Com slechts druck my niet quellen
Met valsche woorden slecht
Wil ick u niet prijsen
Maer in der daet oprecht
Wil ick mijn woort bewijsen,
Dats dat ghy zijt te schoon
Veel te proncken en te pralen
Die al sy staen ten thoon
By u gheen prijs en halen.
Doet Princesse fier in u ghedacht mijn
Recht als ghy trock van hier
Kreech ick int herte gheschille
Soo dat ick doort ghedacht
Noch eenige vreucht sal rapen
Schoon lief yet op my acht
Als ghy niet en cont slapen.