Op de wijse, Van liefde coemt groot lijden. Luce.11.OCh mijn Hemelsche Vader, Daer boven in uwen throon, Hebr.11.Mijn handen leg ick te gader, Voor v weldaden schoon, Roma.10mijn hert dat louet v met vlijt, mijn armen tot v opghestrect, O God ghebenedijt.
Deutr.10.Als ick was in duysterheden, Esay.5O mijn Heer der Heeren goet, Ter hellen waert dat ick treden,
In Egypten stont mijnen voet,Roma.16 Dat quaet met quaet ick loonde doen, Die werelt ick beminde,1.Ioan.2. V woort en conde ick niet beuroen.
Met Babel had ick my begheuen,Math.7 Al op de breden wech, Door afgoden socht ick dat leven O Heer ick was so slecht, O ader Fonteyne ick v liet,Ierem.2 Eenen put all sonder water, Groeff ick maer en wistes niet.
Ick lach in mijnen bloede,Esech.16. Met sonden was ick belaen, Doen quaempt ghy o mijn behoedre,Luce.15. En spraeckt willet opstaen, Ghy sult leuen in eewicheyt, V sonden wilt beweenen,Eccle.2. Mijn ermen zijn open ghespreyt.
Een ander volck ghing ick soecken Meenden v te vinden daer,Amo.5. Mijn wonden stonden oopen, Om Olie te ontfanghen claer,Luce.10 Den wijn was daer met water ghemengt De burghers van dier steden,Esay.1 Deden haeren naesten ghewelt.
Bussen en daer toe swierden, Sach ick ghebruycken daer, O Heere hooch van wierden,Esay.42. Waer is nv v cleyne schaer, Dacht ick dicwils in mijn ghemoet, Dese sochten oock te doden, Iae verghoten smenschen bloet.
Iere.51.Babel was ick doen en teghen, Van dese maecte ick my vry, Met een ghemoet versleghen, Buychden ick die knyen mijn, Canti.2.met Salemon riep ick O Heer, Brengt my tot uwer weyden, mijn Siel verlangt so seer.
Doen ging ick op der straten, Canti.5.Met die bruyt in Canticorum, Daer hoorde ick v Legaten, Ieremi.6.Met slaende trompetten vroom, Math.10.V heylich woort vercondighen, Die leyde my op uwe weghen, Miche.4.Al naer Ierusalem.
Daer wert ick doen ontfangen, Apoca.21.Als een Burgher dier Stadt, O Heer ick hadt verlanghen, 2.Cor.1.Ghy gaeft my tot eenen schat, Vwen heyligen Geest in mijn ghemoet, Roma.8.V Gheboden sy my leerden, Math.11. V iock is licht, en daer toe soet.
Daer vant ick een Fonteyne, Apoca.22.Veel claerder dan Cristael, Die poorten zijn certeyne, Apoca.21.Van Peerlen altemael, Die straten zijn van louter gout, Int middel stont verheuen, Gene.2.Den boom des leuens ghebout.
Den wijn wert daer ghedroncken, Esay.1.Supuer en daer toe claer, Lude.10.Reyn Olie wert my gheschoncken,
Van Christus in mijn wonden daer, Men strijdet daer oock al om prijs, Met Gheestlicke wapen,2.Cor.10 In dat hemelsche Paradijs.
Gheen gewelt en is daer inne, Noch oock eenige heerschappy,Math.18. Al die Christum beminnen,Apo.1. Sijn Coningen van sonden vry, Op die weyde worden sy daer geleyt, Christus is haren Herder,Esech.34 Vol ghenaden en waerheyt.Iohan.1.
Dit is die Stadt des Heeren, Die Bruyt die Coninghin,Apo.19. Blinckende met witte cleeren, Claerder dan die Sonne schijn,Math.13. Van Christus is sy toebereyt, met Geestelicke duechden, Haren Coninck sy verbeyt,Psalm.84
Doen buychden ick mijn knyen, En sprack O schepper mijn,Gene.1 V loue ick tallen tijden, Die my ghenadich wilt zijn, Die my wt Egipten hebt gheleyt,Exodi.1 Met den verlorenen sone, Dat eewich leuen toeseyt.Lude.15.
Als ick v nv had gheuonden, O ghy Coninck van Israel,Deut.10. Ick dat ick moet vermonden, Vwen lof met Zerubabel,1.Esdre.5. Tegen die vyanden hier ick op mijn stem, Om die mueren op te bouwen, Al van Ierusalem.1.Petr.2.
Ioan.16.Die vyanden waren veele, Om wt te roepen my, Twee legers tot dier stede, Deen was de Hoer van Babel vry, Dat ander dat was, ick denck dat beest, Apo.17Dat Ioannes sach oprijsen, Apo.13Vander aerden onbevreest.
Eenen wint had hem verheuen, Acto.20.Van Babel wtghegaen, Math.7.Eenen stroom die quam gheslegen, Om my te nemen gheuaen, Dat Beest dat quam geweldich voort, Apo.12.Het schoot yverighe pijlen, Om my te brengen der doot.
Als Leeuwen sy my omginghen, 1.Petr.5.Van achter ende van vuer, Maer o Heer, ghy holpt my springhen, Met Dauid ouer de muer, Math.10De haren mijns hoofts had ghy geteld, Niet een en costen sy crencken, Esay.43.Want ick stont in v ghewelt.
Math.6.U moet ick vader louen, Ghenadighe Heere soet, Want sy ginhen noch beroouen, Mijn tijtlicke goet, Dat ghy my Heere weerdich acht, Om veruolleging te lijden, Phil.2.Van dit verkeert gheslacht.
Nv moet ick dan gaen dolen, Met Abraham opt velt, Gene.12.En my berghen in holen, 1.Mach.2met de Ioden een zijn ghetelt,
Die in Machabeen waren versmaet, Lieuer met haer te steruen, Dan te laten mijns vaders raet.
Een wtlander moet ick wesen,Hebre.13. Ter werelt een gaeyspel,1.Corint.4. Om Christus leer ghepresen, Ben ick verwesen, te zijn rebel, Een vreemdelinck ben ick nv bekant,1.Pet.2 Als een pelgrim so wy lesen, Gaen ick dolen achter lant.
Maer O Heere verheuen, Ick bid u v helpt my ras, Seynt uwen Enghel op mijn weghen, Sy ghy dedet Tobias,Tobie.5. Oft ick noch viel inder vyanden hant, Dat ick v mach belijden,Mathe.10. O mijn Heer en Coninck vailliant,Deut.10.
Wilt vast op my vertrouwen,Heb.11. Ken verlaet v nemmermeer, Op mynen wech sal ick v houwen,Psal.33. Sy ghy blijft by mijnder leer,Esaye 43. Ick sal by v zijn in water en vier,2.Pet.2. Wilt niet meer tot Babel keeren, maer secht de werelt adieu.
Adieu ghy boose werelt blint,Ioan.2. Adieu mijn vrienden al,Luce 14. Adieu die my niet meer en kent, Adieu om Christus weghen smal,Math.7. Adieu den tijtlicken schat,Math.6. Adieu ick moet gaen wandelen,Apoca.21. Naer die nieuwe hemelsche stat.
Cookies on Poetry Cove