Een Christelicke waerschouwinge

op de wijse ick hoorde de basuyne blasen. Mathe.22.COemt van Suyden en van Oosten, Van Noorden, van Westen al te saem, Math.11.Coemt wilt v al vertroosten, Esaye 2.Coemt laet ons naer Ierusalem gaen, Een Stadt seer hooch verheuen, Apoca.21.Wten Hemel neder ghedaelt, Esay.55.Een Fonteyn is daer ghegeuen, Ioan.7.Daer by elck een mach leuen, Apoca.22.Coemt drinct om niet, tis al betaelt.

Apo.21.Coemt ick wil v die vrouwe toonen, Die bruyt des Lams, die heylighe Stadt, Gala.4.Dat nieu Ierusalem wt Gods troone, Is neder gedaelt, ick segt v plat, Luce.14.Het Lammeken is daer gheslaghen, Mathe.22.Dit maeltijt is daer bereyt, Dus en soeckt gheen vreemde laghen, Iere.6.Dus en soect gheen vreemde laghen, Maer begint naer den wech te vraghen, Eer v den vyant te neder leyt.

Die Basuyn wort daer gheblasen,Ioel.2. Te Ierusalem maect v ten crijch bereyt, Voor uwen vyant wilt niet versaghen,Barn.4. Aengrijpt den Helm der salicheyt,Ephe.6. En wilt vroomlick strijden, Met dat sweert des Geestes fijn, Wie ouerwint die sal verblijden,Apoca.3. Hier naer gecleet met witter zijden, Claerder blincken dan die Sonne schijn.

Gaet in door die enghe poorte,Luce.13. Dat rijcke der hemelen lijt ghewelt,Math.11. Smal is den wech aen allen orde,4.Esdr.7. Maer een voet breet, so die Scriftuer vermelt Het Lammeken dat heeft gestreden,Apoca.13. Vanden begin der werelt hoort, Ouerwonnen met alle zijn lede, Abel die wert vertreden,Gene.4. Van Caim synen broeder vermoort.

Noach die prediker des Heeren,Gene.6. Wert behouden in die Arcke voorwaer, In Sodoma die quade temteerden,Gene.19. Den vromen Loth met onghenaey, Abraham ginck dolen met sorghen,Gene.12. Woonde in hutten op een vreemt lant, Esau wilde Iacop verworghen,Gene.27. Maer Rebecca ginck hem verborghen, En moeste vluchten tot in Haran.

Ioseph wort van zijn broeders alle,Gene.37. In den cuyl gelaten met grooten haet, Pharo doet dooden met groot getalle, In Egipten, al wat manlick wert gebaert,Exod.1.

Socht Gods volck te vercleenen, Num.14.Met sware lasten aen elcken cant, Iosue en Calep wildemen steenen, Als sy tvolck vrymoedicheyt leerden, Om in te nemen het beloefde lant.

1.Sam.22.Achimelech spijsde in nooden, Den Prophete Dauid al metter spoet, Sauwel dede hem daerom dooden, En vijfentachentich vergoten haer bloet, Sacharias wilt hem niet schamen, 2.Para.24.Te straffen den Afgoden dienst, Met toornicheyt sy al tot hem quaemen, Met steenen sy zijn leuen benamen, En brochten hem so ter door met vliet.

1.Sa.22.Dauid wert veruolcht aen allen zijden, Van Sauwel en Absalom zijn eygen kint, 1.Con.13.Ieroboam wilt den man Gods niet lijden, Hy grijpt naer hem, maer zijn hant verdwijnt, 1.Sam.11.Nahas wilde re rechte oogen, Van Godes volck wtsteken fel, 1.Re.18.19.Iesabel en wil niet ghedooghen, Al die haer knien niet en booghen, Voor Baal al op den Berch van Carmel.

1.Reg.22.Als Michea de waerheyt propheteerden, Gheuangen, gheslagen, so wert hy ras, 1.Reg.21.Nabot moeste steruen door valsche reden, Ieremi.38.Ieremias inden cuyl also ick las, Iere.26.Vrias die moeste vluchten, Noch steruen door dat sweert, Amos.7.Amos ginckmen betuchten, Voor den Coninck met quaey geruchten, Om dat hy die waerheyt propheteert.

Die drie Ionghelingen tsamen,Dani.3. Den vierighen ouen was haer bereyt, Daniel aenbadt God naer tbetamen, Inden cuyl der Leeuwen wert hy geleyt,Dani.6. Achor die wert ghebonden,Iudich.5 Handen en voeten aen eenen boom, Tobias ick moet vermonden Vele al naer zijn leuen stonden,Tobi.2 Om dat hy ouer al begroef de doyen.

Eleasar heeft moeten strijden,2.Mach.6. En de seuen broeders hoort mijn vermaen,2.Mac.7 Om haers vaders wet moesten sy lijden, De moeder en is niet vryghegaen, Susanna die wert beschuldicht,Susa.1. Door loose boeuen opstinaet, Herodes seer onuerduldich,Mat.2. Doet dooden, de kinderkens ontschuldich, Int bethlehem door quaden raet.

Herodas doet Ioannes vanghen, Inden Kercker doet hy zijn hooft af slaen,Math.14. Die Pharizeen hebben met verlanghen, Christum Iesum naer zijn leuen ghestaen,Math.26 Bespot, ghegeesselt, gheslaghen, Gheuangen, bespogen, ghecroont, Tusschen twee moorders, ick moet gewagenMath.27. Onse smerten heeft hy ghedragen,Esay.53. Aent hout des Cruycen wert hy doorwont.

Oock dedemen Iacobus dooden, Het welck den Ioden wel behaecht,Actor.12. Petrus en is oock niet ontuloden, Met ketenen gebonden onuersaecht,

Acto.7.Die Ioden zijn by een ghelopen Teghen Stephanum tsamen vereent Als hy wt vierigheyt heeft gheropen Siet ick sie den Hemel oopen So hebben sy hem ter doot ghesteent.

Gala.1.Paulus was van God vercooren Acto.14.Om te preken dat Euangelium goet Veel cruys lijden quam hem te voren Phil.1War in hy verblijt wt liefden soet Acto.28.Hy wert veruolcht in allen staten Oock leet hy schipbrekinghe voorwaer Acto.9.Ouer de mueren wert hy ghelaten Ende ghesleypt achter straten Noch leerde hy int openbaer.

Hebre.12.Siet mijn vrienden al te samen Sulck een voorbeelden hebben wy Die daer vrymoedich sonder schamen Den wech des leuens betraden vry Dus wilt v met hen begheuen Mar.8.Christus Cruyce neemt op met vlijt Soeckt en staet naer deewich leuen Paulus die heuet aenghewesen Acto.14.Door lijden coemtmen int Conincrijck.

Christus spreeckt tot zijn huysghenoten Iohan.16.De werelt sal v haten ouer al Psal.79.Rontom Ierusalem wort vergoten Dat bloet der dienaren van Gods ghetal Den draeck die ghinck beloncken Apo.12.Schiet naer die vrouwe eenen stroom De Coninghen zijn gheworden droncken De Hoer van Babel heeft haer geschoncken Apo.17.Dat bloet der heyligen in haren troon.

Wie hier Godsalichlick wil leuen,2.Timo.3. Tveruolch en tcruys dat coemt hem aen, Tgeloof is niet alleen ghegeuen,Phil.1. Maer oock te lijden om Christi naem, Het oordeel moet eerst beginnen,1.Petri.4 Aen Gods wtuercorene soet, Tribulatie wilt die versinnen,Apo.3. Sal den vyant ouer ons volbringen, Als tgout int vier worden wy beproeft.Eccle.2.

Voor Coningen moeten wy belijden,Math.10 Christum Iesum ghebenedijt, Ghecoort, gebonden aen allen zijden, Inden kercker gegeesselt met grooten strijt, Als schaepkens onder de woluen,Roma.8. Ter slachtbancken worden geleyt, Siet den Draeck is op ons verbolghen,Apo.13. Sijn leden gaen ons veruolgen, Om ons te dooden als Dauid seyt.Psal.44.

O Heer ghy zijt verheuen,Psal.46. Ons sterckte die ons in noot bystaet, Daerom willen wy niet beuen.Esay.51. Noch vreesen die als hoy vergaet, En wil v toch niet schroemen,Math.10 Broeders en susters in noot, Wie can ons nv verdoemen, Christus heuet al ouerwonnen,Rom.8. Hel, duyuel, ende daer toe doot.1.Cor.15.

So spreect de Heere wilt versinnen,Esay.43. In water en vyer, sal ick by v zijn, Dat v de stromen niet en verslinnen, Noch de vlam en verstick op dit termijnEsay.41. Ghy wormken Iacobs wilt niet vreesen,

Gy arme hoopken Israels, Esay.61.Ick ben v saligheyt ghepresen, Het licht des leuens wtgelesen, Math.10En vreest niet tgeslachte Iesabels.

Esay.61.O Sion wilt v verblijden, 4.Esdre.1In lijden so hoort des Heeren stem, Christus coemt v te gemoet rijden, Canti.3.Gaet wt ghy dochters Ierusalem, Vwen Coninck die coemt v tegen, Luce.5.Hy ontfangt v blijdelick, Hy schenct v dat eewich leuen, Mala.3.Vwen naem die staet gheschreuen, Int boeck des leuens alle ghelijck.