op die wijse noch weet ick een schoon stadt, etc. OCh vrienden al te saem, Psal.37.Wilt vast op God vertrouwen, Vrijmoedich wilt voortgaen, Aen die waerheyt wilt v houwen, Esaye 60.Heft op v hoofden siet, Laet v beweghen niet, Ephe.4.Oft anders v naeket swaer verdriet.
Staet vast en welghemoet, 1.Petr.5.Om den Heere te behaghen, Wederstaet vlees en bloet, 1.Cor.15.Want den vyant leyt v laghen, Den Draeck die schiet seer fel, Vierighe pijlen snel, Apoca.12.Om ons te brenghen int ghequel,
Sijn leden zijn so seer ontstelt, Mat.16.De poorten der hellen rasen, Om dat de waerheyt is int velt, En de baesuyne wort gheblasen, Daerom zijn zy ghestoort, Luce.13.Tgaet ons naer Christus woort, Wy moeten al duer die enghe poort,
In pijn anext ende lijden, moet die bruyt Christi baren, Apoca.12.Sy comen aen alle sijden, Om haer cruys te beswaren, Ioan.16.De werelt maeckt op ons ghetier, Door sweert water en vier, O Here moeten wy treden hier,
Wy worden soo zeer ghehaet, Bespot in desen leuen, Om Christus dat edel zaet,Gene.7. Die Fonteyne hooch verheuen,Apoca.22. Worden wy veracht versmaet, Van deen stadt in dander gheiaecht, Als ketters en verleyders beclaecht.
V woort O Heere goet, Moghen wy niet vertellen,Esaye.43. Deen dreycht on metter doot, Dander verdoemt ons totter hellen, Ghebonden op die pijnbanck, Stom als een Lam is onsen ganck, Aenden staeck ghestelt, leuent verbrant.
O Heere onse Vader,Math.6. Wilt ons ghenadich wesen,Eccle.2. Verlost v kinders alle gader, En laet ons toch geen weesen, Wast af ons traenkens al, Helpt ons wt dit gheschal, Want Heere desen wech is smal.
Och ghy mijn schaepkens al,Ioan.10. En wilt v niet verpletten,Math.10. Als is den wech seer smal, Ick sal u tot my trecken,Ioan.17. mijn armen zijn opgedaen,Phil.3. Coemt wilt blijschap ontfaen,Luce.15. In dat eewighe leuen suldy gaen.Math.25.
Verblijt v nv altsaem,Mich.4. O ghy mijn Crijgherinne,Esaye 6. Doet blinckende cleederen aen,
Apoc.19.Laet mijn licht van v schijnen Esaie 8.Vreest Duyuel, hel noch doot, 1. Corin.15.Want ick quam in uwen noot, 1.Ioan.1.En vergoot voor v mijn bloet so root.
Ephe.2.Den torn heb ick ghestilt, Ws vaders hooch verheuen, Apoc.22Ick ben die fonteyn, wie wilt Ioan.7.Die drinct, sal eewich leuen, Ick heb den Goliath voorwaer, 1.Corin.17.Die v beschimte daer Overwonnen dit is claer.
Ick ben den naghel Iaels, Die Sisaram thooft nagelde, De Rech.4.Die mijn schaepkens voor Baals, Propheten bewaerde, Ick heb den Leeu en Beer, Ouerwonnen dit is cleer, Die v soect te voeren van mijnder leer.
Mijn bloet is de roode Zee, Exod.14.Daer duer ick v behielde, Ick ben dat Hemelsche Exod.16. Man, dat voor v neder viele, Ioan.6.Ick ben den herden steen, Exod.17.Daer dat leuende water reen, Wt vloot, coemt drinckt al gemeen.
Ick ben Simpson seer sterck, Iudi.16.Die de poorten der Hellen, Nam wech, al wt haer perck, Gingse op den bercch stellen, Iacobs leer ben ick ghenaemt,
Dus, duer my neemt uwen ganck,Gene.28. Climt op ten Hemel, v vreucht ontfangt.Ioan.10.
Ick ben den wech certeyn, Die waerheyt en dat leuen,Ioan.14. Den wijnstock wt liefden reyn,Ioan.15. Die mijn rancxkens wtgelesen, Bewaer al voor ghewelt, Den vyant neder gheuelt, In vrede voor mynen vader ghestelt.Ephe.2.
Slecht en recht bewaert my Heere.Psalm.25.
Cookies on Poetry Cove