Klinck-vers.
On-ken dat maeckt onmin (ghelijck men seyt van outs)
Maer soo ghy speelt goet Vrient, ghelijck ghy schijnt te spelen,
Ick sla dien bal niet wech, al hebje vry wat fouts:
Maer kaets hem wederom: tis spel, wat kant verschelen?
Maer dat ghy Nymphen oock Najaden gaet bevelen
Te maecken eenen krans, tot mijn te grooten lof,
Als Meester van dit spel. dats vry (mijn Vrient) te grof:
Doch ick de Nymphen laet den Lauwer-hoet vry telen,
S'en hebben doch de maet te recht niet van mijn Hooft:
Maer dats u passen sal, dats by my eer ghelooft.
Want my dunckt ghy de Baen al vry wel hebt deurschardelt.
Ick ken wel dat ick Clerck ben van dit Spel met gonst,
En d[i]ckmaels heb ick oock met yver inde Konst
Wel Reyn liefde betoont: maer al veel meer ghebardelt.
De Gracien dry
Wensch ick u bly.
Reyn liefd' betoont